Nevadada festivalda ayol kutilmaganda farzand ko‘rdi
AQSHning Nevada cho‘lidagi mashhur “Burning Man” festivalida kutilmagan voqea yuz berdi. Bu haqida Zamin.uz xabar berdi.
Yosh oila o‘z treylerida ayol farzandli bo‘ldi, holbuki u homiladorligini bilmagan edi. Festival ishtirokchisi Kayla Tompson 27 avgust kuni eri bilan treylerda tunab qolganini aytdi.
To‘satdan kuchli og‘riq boshlab, u hammomda 1,6 kilogramm vazndagi qizaloqni dunyoga keltirdi. Kaylaning so‘zlariga ko‘ra, homiladorlik davrida hech qanday belgi sezilmagan va u farzand ko‘rishni rejalashtirmagan edi.
Tug‘ruqdan keyin eri yordam uchun yugurib chiqdi va festival qatnashchilari orasidan hamshira, pediatr hamda ginekologni topdi. Ular birinchi yordam ko‘rsatgach, ona va bola avval festivalning tibbiy markaziga, keyin esa Renodagi shifoxonaga olib ketildi.
Qizaloq vertolyotda, onasi esa avtomobilda yetkazildi. Ushbu voqea oilaga juda qiyin lahzalar bo‘lganini ular ta’kidlashdi.
Shifoxonadagi hamshiralar ham Kaylaga hazil tariqasida “tug‘ruq qilgan ayolga o‘xshamaysan” deb aytishgan. Festival tashkilotchilari esa Tompsonlar oilasini tabriklab, bayonot berdi.
Ular shamol, jazirama va qum bo‘ronlariga qaramay yangi hayot boshlangani festivalning asosiy qadriyatlari – hayot, aloqa, o‘zgarish va quvonchni ifodalashini ta’kidladi.
