Nestlé bosh direktori shaxsiy munosabatlar sabab iste’fo berdi
Nestlé kompaniyasi bosh direktori Loran Freyshe o‘z qo‘l ostidagi xodim bilan shaxsiy munosabatlari oshkor bo‘lgani sababli lavozimidan iste’fo berdi. Bu haqida Zamin.uz xabar berdi.
Bu haqda kompaniyaning rasmiy sayti orqali e’lon qilindi. Nestléning xulq-atvor kodeksiga ko‘ra, rahbar va xodim o‘rtasidagi bunday aloqalar qat’iyan taqiqlanadi.
Kompaniya rahbariyatining ta’kidlashicha, bu qaror Nestlé qadriyatlari va boshqaruv tamoyillariga muvofiq qabul qilingan. Loran Freyshedan bo‘shagan lavozimga Filipp Navratil tayinlandi.
U ilgari Nescafe va Nespresso brendlarining rivojlanishida muhim rol o‘ynagan va 2025 yil 1 yanvardan Nestlé Ijroiya kengashi a’zosi bo‘lgan. Iyul oyida Coldplay konsertida “kiss-camera” orqali yuzaga kelgan mojaro ham keng muhokamalarga sabab bo‘ldi.
Ushbu videoda kompaniyaning HR bo‘limi rahbari Kristin Kabot va IT mutaxassisi Endi Bayron turmush qurgan juftlik sifatida ko‘rsatildi. Videoning tarqalishi internetda katta shov-shuvga sabab bo‘ldi va ko‘plab memlar paydo bo‘ldi.
Bundan keyin Endi Bayron kompaniyadan ketgani e’lon qilindi. Kompaniya bayonotida rahbarlardan axloq va mas’uliyat me’yorlariga rioya qilishi talab etilgani, ammo so‘nggi vaqtlarda bu talablar buzilgani ta’kidlandi.
Bayrondan so‘ng Kristin Kabot ham lavozimini tark etdi. Shuningdek, kutilmaganda 54 yoshli aktrisa Gvinet Peltrou “Astronom” kompaniyasining vaqtinchalik vakili etib tayinlandi.
U bu haqda hazilomuz videorolik orqali ma’lum qilib, kompaniya faoliyatiga oid eng ko‘p so‘raladigan savollarga javob berdi. Jumladan, “Yo Xudo, nima bo‘ldi?” va “Sizning SMM jamoangiz bu vaziyatga qanday yondashadi?” kabi savollarga ham javob qaytardi.
