Putin Slovakiyani Ukrainaga bosim o‘tkazishga chaqirdi
Rossiya prezidenti Vladimir Putin Ukrainaga nisbatan qo‘shimcha bosim o‘tkazish maqsadida Slovakiya rahbariyatini energetik blokadani joriy etishga chaqirdi. Bu haqida Zamin.uz xabar berdi.
Putinning ta’kidlashicha, gazni teskari yo‘nalishda yetkazib berishni to‘xtatish va elektr ta’minotini uzish orqali Kiyevning boshqa davlatlarning manfaatlariga tajovuz qilishiga chek qo‘yish zarur. U bu fikrlarni 2 sentyabr kuni Pekinda Slovakiya bosh vaziri Robert Fitzoga bergan intervyusida bildirdi.
Shuningdek, u Ukrainaning “Drujba” neft quvuriga dronlar bilan zarba berishini qattiq tanqid qildi. Xitoyda Ikkinchi jahon urushida Yaponiya ustidan qozonilgan g‘alabaning 80 yilligi munosabati bilan o‘tkazilgan marosimda qatnashgan yagona Yevropa yetakchisi sifatida Robert Fitso ham Kiyevning harakatlarini qoraladi.
U 5 sentyabr kuni Ukraina prezidenti Volodimir Zelenskiy bilan uchrashib, neft quvuri xavfsizligini ta’minlashga alohida e’tibor qaratishini va’da qildi. Uchrashuv davomida Putin Slovakiyaning mustaqil tashqi siyosiy yo‘nalishini yuqori baholadi va Fitsoga minnatdorlik bildirdi.
Slovakiya bosh vaziri esa Yevropa Ittifoqini dunyodagi voqealarni to‘g‘ri baholay olmayotgan, imkoniyatlari cheklangan tashkilotga o‘xshatib, tanqid qildi. U Yevropa Ittifoqiga hurmat bilan qarashini, ammo uning global muammolarga munosib javob bera olmasligini ta’kidladi.
Shu bilan birga, Fitso mamlakatining Rossiya bilan energetika sohasidagi hamkorlikni davom ettirish va Moskvadan neft hamda gaz sotib olishni istashini ochiq bildirdi.
