Rossiyada 7 sentyabrda to‘liq oy tutulishi bo‘ladi

Rossiya aholisi 7 sentyabr kuni to‘liq oy tutulishini kuzatadi. Bu haqida Zamin.uz xabar berdi.

Bu haqda “TASS” agentligi Moskva planetariyasi uslubiy ta’minot bo‘limi rahbari Lyudmila Koshmanning ma’lumotiga tayangan holda xabar berdi. Astronomlarning ma’lumotlariga ko‘ra, oy tutulishi Moskva vaqti bilan soat 18:28 dan 23:55 gacha davom etadi.

Oy to‘liq Yer soyasiga tushadigan bosqich taxminan bir yarim soat, ya’ni 20:31 dan 21:53 gacha davom etadi. Tutilishning eng yuqori nuqtasi soat 21:12 da sodir bo‘ladi.

Koshmanning so‘zlariga ko‘ra, bu tabiiy hodisa Rossiyaning bulutsiz hududlaridan aniq ko‘rinadi. Fizika-matematika fanlari doktori Sergey Bogachev “Ogoh bo‘ling, Moskva” Telegram-kanalida oddiy ko‘z bilan ham oy tutulishini bemalol ko‘rish mumkinligini ta’kidladi.

Shuning uchun ushbu hodisani kuzatish uchun maxsus uskuna talab qilinmaydi. Oy tutulishi tabiiy va noyob astronomik voqea hisoblanadi, u ko‘plab odamlar uchun qiziqarli manzara bo‘lib xizmat qiladi.

Shu bois, 7 sentyabrda Rossiya aholisi bu hodisani yorqin va ravshan ko‘rish imkoniyatiga ega bo‘ladi.