Gabriel Uoll LEGO ustida rekord yugurdi
Yangi Zelandiyadan bo‘lgan Gabriel Uoll LEGO bo‘laklari ustida yalangoyoq 100 metr yugurib, Ginnes rekordlar kitobiga kirdi. Bu haqida Zamin.uz xabar berdi.
U bu masofani 24,75 soniyada bosib o‘tdi. Mazkur rekord tashkilotning rasmiy saytida e’lon qilindi.
Yugurishdan so‘ng shifokorlar Gabrielning oyoqlarida faqat terining yuqori qatlamida mayda yirtilishlar borligini aniqladi, ammo jiddiy jarohatlar kuzatilmadi. Gabriel o‘zining ushbu tajribasini unutilmas deb ta’rifladi va o‘z imkoniyatlarini sinab ko‘rganidan faxrlanishini bildirdi.
Rekordga tayyorgarlik jarayoni oson kechmadi. U poyabzaldan voz kechib, mashg‘ulotlarni basseynda o‘tkazdi.
Aynan shu joyda u konstruktor bo‘laklariga qadam qo‘yishni mashq qilib, o‘zini sinovga tayyorladi. Ushbu yutuq Gabriel uchun katta muvaffaqiyat bo‘lib, uning jasorat va matonatini ko‘rsatadi.
