Kanadada 51 yillik yo‘qolgan hamyon topildi
Kanadada kutilmagan topilma odamlarni hayratga soldi. Bu haqida Zamin.uz xabar berdi.
Ontario viloyatidagi maktabda ta’mirlash ishlari davomida ishchilar 51 yil oldin yo‘qolgan hamyonni devor ortidan topishdi. Bu haqda The Hamilton Spectator gazetasi xabar berdi.
Hamyon ichida 1974 yilda berilgan talabalik guvohnomasi, haydovchilik guvohnomasi, ijtimoiy sug‘urta kartasi, oila va do‘stlarning eski suratlari hamda 35 sentlik xokkey chiptasi saqlangan edi. Hujjatlarda yozilgan ism orqali egasi Tom Shopf aniqlangan.
Maktab tarbiyachisi Lorna Makkuinning aytishicha, bunday tarixiy topilmani ko‘rish juda qiziqarli bo‘lgan. Ular hamyon egasini topib, uni qaytarishni istashgan, chunki 50 yildan so‘ng ham bu odam bundan xursand bo‘ladi, degan fikrda bo‘lganlar.
Ijtimoiy tarmoqlar orqali Shopf bilan bog‘lanishgan. U dastlab bu holat hazildek tuyulgani, lekin keyin haqiqat ekanini tushunganini aytgan.
Hamyonda uning bolaligi o‘tgan uyining suratlari ham bo‘lgan. Shopfning so‘zlariga ko‘ra, 1960 yilda qurilgan o‘sha uyda onasi hali ham yashaydi va suratni ko‘rganlarida birga kulishgan.
Shopfning ta’kidlashicha, hamyon devorga qanday tushib qolgani haqida ham ma’lumot bor. U yoshligida hojatxonaga kirayotib hamyonini tushirib yuborgan.
Boshqasi pulni olib, qolgan hujjat va suratlarni kafel ortiga yashirib qo‘ygan ko‘rinadi. Ushbu voqea ko‘plarga o‘tmish va shaxsiy tarixlarni qadrlash haqida o‘ylashga sabab bo‘ldi.
