Berlin namoyishida irlandiyalik faollar politsiya zo‘ravonligi haqida shikoyat qildi
Berlinda Falastin tarafdorlari ishtirokida o‘tkazilgan namoyish paytida politsiya xodimi tomonidan mushtlangan va qo‘li hamda burni singan irlandiyalik Kitti O’Brayen Germaniya hukumati hamda politsiyasining namoyishchilarga nisbatan qilgan munosabati xalqaro miqyosda qattiq tanqidga duch kelishi lozimligini bildirdi. Bu haqida Zamin.uz xabar berdi.
25 yoshli faollik bilan shug‘ullanuvchi O’Brayenning so‘zlariga ko‘ra, 28-avgust kuni bo‘lib o‘tgan namoyish davomida politsiyachi uning yuziga ikki marta musht urgan. Shu sababli uning burni va qo‘li singan, shuningdek, radial asabi shikastlangan.
U bir hafta davomida kasalxonada tibbiy yordam olmasdan yura olmagan. O’Brayen ta’kidlaganidek, so‘nggi ikki yil ichida nemis politsiyasi Falastin tarafdorlariga nisbatan haddan tashqari kuch ishlatmoqda.
Unga ko‘ra, “Falastindagi zo‘ravonliklar davom etayotganligi sababli” faollarning ovozini o‘chirishga qaratilgan harakatlar samara bermaydi, aksincha, bu harakatlar xalqaro hamjamiyat e’tiborini yanada kuchaytirmoqda. Avvalroq, 28-avgust kuni Berlin politsiyasi G‘azoda halok bo‘lgan jurnalistlarni yodga olish maqsadida yig‘ilgan 200 ga yaqin namoyishchini tarqatgan va sakkiz nafar ishtirokchini hibsga olgan edi.
O’Brayenning mushtlanishi va bu jarayonni aks ettirgan tasvirlar keng ommada muhokama qilindi hamda ommaviy axborot vositalarida keng yoritildi.
