Eynshteynning qadimiy skripkasi auksionga qo‘yildi
Buyuk Britaniyada olim Albert Eynshteynning birinchi va eng qadimiy skripkasi auksionga qo‘yildi. Bu haqida Zamin.uz xabar berdi.
Mutaxassislarning fikriga ko‘ra, ushbu musiqiy asbobning narxi 405 ming dollargacha yetishi mumkin. Bu haqda The Telegraph nashri xabar berdi.
Eynshteyn skripkani 1890-yillarning o‘rtalarida, Myunxendan Shveytsariyaga ko‘chib o‘tishidan oldin sotib olgan. Mashhur olimning birinchi cholg‘usi Ikkinchi jahon urushi davrida yashirilgan.
Skripkaning qiziq tomoni shundaki, uning yuzasida “Lina” degan yozuv o‘yib bitilgan. Keyinchalik Eynshteyn bu skripkani boshqa buyumlari bilan birga hamkori Maks fon Lauega topshirgan.
Yigirma yil o‘tgach, Maks fon Laue cholg‘uni olimning muxlisi, Braunshveyglik Margareta Xommrixga sovg‘a qilgan. Ushbu skripka uzun yillar davomida Margaretaning oilasida saqlangan.
Nihoyat, uning nevarasi qadimiy skripkani auksionga qo‘yishga qaror qildi.
