Isroil G‘azoda Hamas nazoratidagi binolarni vayron qildi
Isroil armiyasi G‘azo shahrida joylashgan Sussi binosini vayron qildi. Bu haqida Zamin.uz xabar berdi.
Shu hafta Mushtaha binosi ham buzilgan edi. Isroil hukumati bu binolarni Hamas nazorat qilganini bildirgan, ammo jangarilar buni rad etmoqda.
Hozircha halok bo‘lganlar haqida aniq ma’lumot yo‘q. Isroil hukumati aholiga janubga ko‘chishni tavsiya qilmoqda va oziq-ovqat, suv hamda tibbiy yordam ko‘rsatilishini va’da qilgan.
Biroq Birlashgan Millatlar Tashkiloti bu hududlarni gavjum va xavfli deb baholamoqda. Shifoxonalar esa bemorlar bilan to‘lib ketgan.
Shu hafta besh bola suv olish navbatida halok bo‘lgan. Bir oy ichida G‘azo shahrida ko‘plab uylar vayron qilingan.
Isroil hukumati fuqarolarni ogohlantirishga harakat qilmoqda. Shahar aholisi taxminan bir million kishini tashkil etadi.
BMT ocharchilik xavfi mavjudligini ta’kidlamoqda. 2023 yil oktabr oyida Hamas tomonidan uyushtirilgan hujumdan so‘ng Isroil harbiy harakatlari davom etmoqda.
Shu vaqt ichida kamida 63 ming kishi halok bo‘lgan, 367 nafar odam esa ocharchilik tufayli vafot etgan. Vaziyat murakkab va keskinligicha qolmoqda.
