Mashhur musiqachi va rassom Viktor Soyning yangi ijodiy asari savdoga chiqarildi. Bu haqida Zamin.uz xabar berdi.
“Rossiya san’ati. XVIII–XXI asrlar.
Rassomlik, grafika, haykaltaroshlik” nomli auktsionda san’atkorning kartonga chizilgan rasmi lot sifatida taqdim etildi. First Names kim oshdi savdosi ma’lumotlariga ko‘ra, rasmning boshlang‘ich narxi 1,5 million rubl qilib belgilangan.
Sotuv yakunida summa 2,5 milliondan 6 million rublgacha yetishi mumkinligi taxmin qilinmoqda. Asarda og‘zidan sariq raketa uchib chiqqan qizil kvadrat shaklidagi odam tasvirlangan.
Ushbu chizma 1980 yillarda aralash texnika yordamida yaratilgan bo‘lib, unga alohida nom berilmagan. Dastlab u fotosuratchi Sergey Borisov to‘plamida saqlangan.
Auksion uyi saytida qayd etilishicha, Viktor Soyning serqirra iste’dodi vaqt sinovidan o‘tib, o‘z dolzarbligini yo‘qotmagan. Uning “O‘zgarishlar” qo‘shig‘i butun davr madhiyasiga aylangan.
U san’atda erkin va dadil ijod qilib, asarlari orqali davr ruhini teran his etgan hamda kelajakni tasavvur qilishdan cho‘chimagan. Shuningdek, 2024 yilda san’atkorning yana bir chizmasi Vladey auksionida sotuvga qo‘yilib, 8 million rublga xarid qilingan edi.
Bu lot o‘sha paytda kutilganidan besh baravar yuqori narxga chiqib, rekord o‘rnatgandi. Viktor Soyning ijodi san’at olamida o‘z o‘rniga ega bo‘lib, uning asarlari katta qiziqish bilan kutib olinmoqda.
