Janubiy Amerikada ulkan yalqovlar tunnellari topildi
XXI asr boshlarida Janubiy Amerika olimlari yer ostida sirli va yashirin tunnellarni kashf etdilar. Bu haqida Zamin.uz xabar berdi.
Ushbu yo‘laklar inson faoliyati yoki tabiiy geologik jarayonlar natijasi emasligi aniqlanib, ilmiy jamoatchilikda katta qiziqish uyg‘otdi. Braziliyada geologiya professori Geynrix Frank qurilish maydonchasi yaqinida notanish teshikni payqadi va uni o‘rganishga qaror qildi.
Tunnel taxminan to‘rt yarim metr uzunlikda bo‘lib, ichki devor va shiftlarda katta tirnoq izlari mavjud edi. Professor Frankning fikricha, bunday murakkab tunnellarni faqat kuchli va ulkan hayvonlar qazishi mumkin.
Tadqiqotlar shuni ko‘rsatadiki, bu tunnellarni qazgan mavjudotlar 8000-10000 yil oldin yashab o‘tgan ulkan yalqovlar bo‘lgan. Ular zamonaviy yalqovlarga nisbatan sekinroq harakat qilgan, ammo Afrika fillariga teng kuchga ega bo‘lgan.
Braziliyaning Rio Grande-du-Sul hududida 1500 dan ortiq bunday yer osti yo‘laklari aniqlangan bo‘lib, eng uzunining uzunligi 600 metrga yetadi. Ushbu tunnellar ehtimol bir necha avlod yalqovlar tomonidan qazilgan.
2018 yilda Yuta shtatida o‘tkazilgan tadqiqot esa odamlar va yalqovlar o‘rtasidagi yaqin aloqani ko‘rsatdi, bu esa ta’qib va ov qilish holatlarini tasdiqlaydi. Ushbu kashfiyotlar tabiiy va tarixiy jarayonlarni yanada chuqurroq o‘rganishga yangi imkoniyat yaratmoqda.
