G‘azo sektorida ochlik qurbonlari soni oshmoqda
G‘azo sektorida ochlik va yetarlicha ovqatlanmaslik sababli halok bo‘layotgan insonlar soni kundan-kunga oshmoqda. Bu haqida Zamin.uz xabar berdi.
Falastin Sog‘liqni saqlash vazirligining ma’lumotlariga ko‘ra, so‘nggi 24 soat ichida yana besh nafar falastinlik ochlikdan vafot etdi. Rasmiy hisob-kitoblarga ko‘ra, 2023 yil 7 oktyabrdan boshlab ocharchilik va oziq-ovqat tanqisligi sabab 404 kishi hayotdan ko‘z yumgan.
Ularning orasida 141 nafar bola borligi vaziyatning qanchalik og‘ir ekanligini ko‘rsatadi. 2024 yil 22 avgust kuni Integratsiyalashgan oziq-ovqat xavfsizligi fazasi tasnifi (IPC) G‘azoda ocharchilik darajasini eng yuqori, ya’ni 5-bosqichga ko‘tarilganini e’lon qilgan edi.
Shundan so‘ng yana 126 kishi, jumladan 26 nafar bola ochlikdan vafot etgani ma’lum qilindi. Isroil tomonidan qo‘yilgan qattiq blokada, chegaralarning yopilishi va doimiy harbiy hujumlar mintaqada oziq-ovqat, ichimlik suvi va dori-darmon tanqisligining keskin kuchayishiga olib keldi.
Xalqaro tashkilotlar va inson huquqlari himoyachilari Isroilni ochlik va tashnalikni qurol sifatida qo‘llashda ayblamoqda. Bu holat mintaqadagi ahvolning og‘irligini yanada oshirmoqda.
