AQSh prezidenti Donald Tramp Yevropa Ittifoqini Xitoy va Hindistonga qarshi 100 foizlik boj joriy etishga chaqirdi. Bu haqida Zamin.uz xabar berdi.
Uning fikricha, bu chora Rossiya prezidentiga bosim o‘tkazishda yordam berib, Ukrainadagi urushni to‘xtatishga xizmat qiladi. Trampning taklifi Rossiyaning hujumlari kuchayib borayotgan bir paytda bildirildi.
O‘tgan dam olish kunlari Kiyevdagi hukumat binosi raketa zarbasiga uchradi, Donbasda esa pensiya olish uchun navbatda turgan yigirma dan ortiq fuqaro halok bo‘ldi. Prezident Tramp vaziyatdan norozi ekanligini bildirib, Rossiyaga qarshi yanada qattiqroq sanksiyalar qo‘llanilishi mumkinligini ta’kidladi.
Shuningdek, u yaqinda Rossiya prezidenti Vladimir Putin bilan telefon orqali suhbatlashishni rejalashtirayotgani haqida ma’lumot berdi. Xitoy va Hindiston Rossiya neftining eng yirik xaridorlari hisoblanadi.
Shu sababli ularga qarshi boj choralarini kuchaytirish Rossiyaning iqtisodiy holatiga jiddiy ta’sir ko‘rsatishi mumkinligi aytilmoqda. Bu chora orqali urushni yakunlashga erishishga umid qilinmoqda.
