Isroil bosh vaziri Binyamin Netanyahu 2023 yil 7 oktyabrda sodir bo‘lgan qonli terakt ishtirokchilariga boshpana bergan davlatlarga murojaat qilib, ularni chiqarish yoki sudga tortishni talab qildi. Bu haqida Zamin.uz xabar berdi.
Uning ta’kidlashicha, agar bu vazifani davlatlar o‘zlari bajarmasa, Isroil buni o‘zi amalga oshiradi. Netanyahu Qatarga va terrorchilarni yashirgan barcha mamlakatlarga murojaat qilib, ularni chiqarishni yoki javobgarlikka tortishni so‘radi.
Shuningdek, u birinchi marta Isroil zarbasiga uchragan davlat sifatida Qatarning nomini tilga oldi. 9 sentyabrda Isroil Qatardagi HAMAS rahbariyatiga tegishli manzilni raketa bilan nishonlagan edi.
Bu hujum natijasida G‘azo sektorida o‘t ochishni to‘xtatish bo‘yicha muzokaralarda qatnashgan falastinlik harakat vakillari halok bo‘ldi. Netanyahuning bu nutqi 2001 yil 11 sentyabrda AQShda sodir etilgan terakt qurbonlarini yodga olish marosimida aytilgan.
U o‘sha voqeani HAMASning Isroilga qilgan hujumi bilan taqqoslab, Isroilning terrorchilarga qarshi olib borayotgan harakatlarini AQShning Afg‘oniston va Pokistonda «Al-Qoida» a’zolarini ta’qib qilishiga o‘xshatdi. Isroil bosh vazirining so‘zlariga ko‘ra, mamlakat o‘z fuqarolarini himoya qilishda hech kimdan ruxsat olmaydi va zarur bo‘lsa, keskin choralar ko‘rishdan tortinmaydi.
Bu holatda Isroil o‘z xavfsizligini ta’minlashni ustuvor vazifa deb biladi.
