AQSHda Oq uy xavfsizligi kuchaytirildi

AQSH Maxfiy xizmati Oq uy atrofida xavfsizlik choralarini kuchaytirganini rasman tasdiqladi. Bu haqida Zamin.uz xabar berdi.

Ushbu qo‘shimcha choralar konservativ siyosiy faol Charli Kirkka qilingan suiqasd sababli joriy etildi. RIA Novosti axborot agentligining ma’lumotiga ko‘ra, bu choralar prezident va davlat muassasalari atrofidagi xavfsizlikni oshirish maqsadida amalga oshirildi.

Shuningdek, Maxfiy xizmat vakillari cheklovlarning vaqtinchalik ekanligini ma’lum qildi. Ularning aytishicha, xavfsizlikka oid to‘siqlar va cheklovlar ushbu hafta oxirigacha olib tashlanishi mumkin.

The Wall Street Journal nashri xabar berishicha, AQSH Maxfiy xizmati prezident Donald Trampning shaxsiy xavfsizligini ta’minlash uchun choralarni kuchaytirmoqda. Washington Post esa Oq uy atrofi himoya tizimlari bilan jihozlanganini bildirdi.

Eslatib o‘tamiz, Charli Kirk 10 sentyabr kuni Yuta universiteti kampusida nutq so‘zlayotgan vaqtida otib o‘ldirilgan. O‘q uning bo‘yniga tegib, u shifoxonada hayotdan ko‘z yumdi.

Ushbu fojeadan so‘ng AQSH prezidenti Donald Tramp mamlakat bo‘ylab bayroqlarni pasaytirish haqida farmon chiqardi. Vitse-prezident J.D.

Vens esa marhumning yaqinlari bilan uchrashish uchun rejalashtirilgan Nyu-York safarini bekor qildi.