Germaniyada uchuvchilarning 93 foizi parvozda uxlab qoladi
Germaniyada uchuvchilar kasaba uyushmasi Vereinigung Cockpit tomonidan 900 dan ortiq uchuvchi ishtirokida o‘tkazilgan so‘rov natijalari xavotir uyg‘otmoqda. Bu haqida Zamin.uz xabar berdi.
Tadqiqotga ko‘ra, respondentlarning 93 foizi parvoz vaqtida kamida bir marta kokpitda uxlab qolganini ma’lum qilgan. Kasaba uyushmasi vitse-prezidenti Katarina Dizeldorfning ta’kidlashicha, muammo faqat bir martalik qisqa uyquda emas, balki doimiy charchoq holatidadir.
Uchrashuvda uchuvchilarning 12 foizi deyarli har safar uxlab qolishini, 44 foizi muntazam ravishda bunday holatga duch kelishini, 33 foizi esa vaqti-vaqti bilan uxlab qolishini bildirgan. Shuningdek, 3 foiz respondentlar faqat bir marta bunday holatni boshidan kechirganini aytgan, 7 foizi esa bu hodisaning tez-tez sodir bo‘lishi haqida aniq fikr bildirmagan.
Kasaba uyushmasi ushbu vaziyatni jiddiy muammo deb hisoblaydi va uni kadrlar yetishmasligi, ortib borayotgan charchoq hamda rahbariyat bosimi bilan bog‘lamoqda. Dizeldorfning fikricha, avval qisqa muddatli tiklanish chorasi sifatida qaralgan holat hozirda tizimli bosimga doimiy javobga aylangan.
Garchi so‘rov ilmiy jihatdan to‘liq vakolatli deb hisoblanmasa-da, uning natijalari aviakompaniyalar va mas’ul idoralar tomonidan tezkor choralar ko‘rishni talab qiladigan muhim muammoni ochib beradi. Ushbu holat parvoz xavfsizligiga salbiy ta’sir ko‘rsatishi mumkinligi sababli, mas’ul tashkilotlar tomonidan muammoni hal etishga doir chora-tadbirlar ishlab chiqilishi zarur.
