Sudanda urushni to‘xtatish uchun yangi sulh taklifi
AQSh, Saudiya Arabistoni, Birlashgan Arab Amirliklari va Misr Sudanda urushni to‘xtatish maqsadida yangi tashabbusni e’lon qildi. Bu haqida Zamin.uz xabar berdi.
Ushbu tashabbusga ko‘ra, dastlab uch oy davomida gumanitar sulh o‘tkazilishi, undan so‘ng doimiy otashkesim joriy etilishi rejalashtirilgan. Davlatlar tinchlik jarayonining navbatdagi bosqichi sifatida to‘qqiz oylik o‘tish davrini belgilashni taklif qilmoqda.
Bu davrda fuqarolar boshchiligidagi yangi hukumat tashkil etilishi ko‘zda tutilgan. Mutaxassislarning fikricha, harbiy yo‘l bilan mojaro hal bo‘lishi mumkin emas.
Sudanda janglar ayniqsa Darfur hududida keskin davom etmoqda. Tezkor Qo‘llab-quvvatlash Kuchlari (RSF) ushbu hududda keng maydonlarni nazorat qilmoqda va Al-Fashir shahrini qamal qilgani sababli ochlik xavfi oshmoqda.
Shu bilan birga, AQSh Sudan moliya vaziri Jibril Ibrohim hamda armiyaga aloqador bir militsiyaga nisbatan sanksiyalarni joriy etdi. Ushbu chora-tadbirlar mojaroni tinchlik yo‘lida hal etishga qaratilgan.
