Qirg‘iziston sobiq prezidenti Almazbek Atambayevning oilasi Qo‘ytosh qishlog‘idagi uyidan kuch ishlatib chiqarildi. Bu haqida Zamin.uz xabar berdi.
Bu haqda "Interfaks" agentligi xabar berdi. Sobiq prezidentning qizi Aliya Shagiyeva ma’lumotiga ko‘ra, uyga militsiya formasidagi va oddiy kiyimdagi shaxslar kelib, eshikni buzib kirishgan, ammo hech biri rasmiy hujjat taqdim etmagan.
Qirg‘iziston Davlat mulkini boshqarish agentligi bildirishicha, Atambayevning Qo‘ytoshdagi uyi joylashgan yer sud qaroriga binoan davlat mulkiga o‘tkazilgan. Hukumat ushbu hududda qariyalar uyi va bolalar bog‘chasi qurishni rejalashtirmoqda.
Eslatib o‘tamiz, 2025-yil 3-iyun kuni Bishkek shahar Pervomaysk tuman sudi Atambayevni 11 yil 6 oyga ozodlikdan mahrum etish va mol-mulkini musodara qilish haqida qaror chiqargan. Sobiq prezident korrupsiya, ommaviy tartibsizliklarni tashkil qilish hamda yer maydonlarini noqonuniy egallash kabi og‘ir ayblovlar bilan sudlangan.
Shu tariqa, Atambayev oilasi istiqomat qilgan uy davlat ixtiyoriga o‘tdi va endilikda bu yerda ijtimoiy ahamiyatga ega yangi inshootlar barpo etiladi.
👍 0❤️ 0😂 0😢 0😡 0
