Rossiya saylovlari internetdan mustaqil o‘tkazildi
Markaziy saylov komissiyasi raisi Ella Pamfilova yaqinda bo‘lib o‘tgan mintaqaviy saylovlar natijalarini sharhladi va internet haqida keskin fikr bildirdi. Bu haqda Zamin.uz xabar berdi.
Uning ta’kidlashicha, internet Rossiya uchun do‘stona bo‘lmagan global tarmoq hisoblanadi. Pamfilova bu fikrini «GAS Vibori 2.0» axborot tizimi haqida gapirar ekan aytdi.
Uning so‘zlariga ko‘ra, saylov tizimining kiberhujumlarga chidamliligi uning internetdan to‘liq avtonom ishlashida yotadi. MSK raisi bu holatni do‘stona bo‘lmagan global o‘rgimchak tarmog‘i sifatida baholadi.
Rossiyada o‘tkazilgan uch kunlik saylovlar natijalari e’lon qilindi. Ushbu saylovlarda turli darajadagi 47 mingga yaqin deputat saylandi.
Shuningdek, 21 ta gubernator va 11 hududda qonun chiqaruvchi organlarning yangi tarkibi shakllantirildi. Saylov natijalariga ko‘ra, 19 hudud va anneksiya qilingan Sevastopol shahrida amaldagi rahbarlar g‘alaba qozondi.
Barcha g‘olib nomzodlar «Yedinaya Rossiya» partiyasidan bo‘lib, faqat Chuvashiya rahbari Oleg Nikolayev mustaqil nomzod sifatida qatnashdi va 67,06 foiz ovoz bilan g‘alaba qozondi. Pamfilova ma’lumot berishicha, saylovda umumiy davomat taxminan 47 foizni tashkil etdi.
Saylovoldi tadbirlarda 26 milliondan ziyod fuqaro ishtirok etdi. Komissiya saylov jarayonida ovoz berish natijalariga ta’sir qilishi mumkin bo‘lgan jiddiy mojarolar qayd etilmaganini ham ta’kidladi.
Shu bilan birga, Rossiyadagi saylov tizimi internetdan mustaqil ishlashi va bu orqali kiberxavfsizlikni ta’minlashi yana bir bor e’tirof etildi.
