Buyuk Britaniya va AQSh yadro energetikasini rivojlantiradi

Buyuk Britaniya va Amerika Qo‘shma Shtatlari yadroviy energiyani rivojlantirish bo‘yicha yangi kelishuv imzolashga tayyorlanmoqda. Bu haqda Zamin.uz xabar berdi.

Ushbu bitim minglab yangi ish o‘rinlarini yaratishi va Buyuk Britaniyaning energiya xavfsizligini mustahkamlashi kutilmoqda. Kelishuv AQSh Prezidenti Donald Trampning Buyuk Britaniyaga tashrifi davomida rasmiylashtiriladi.

Yangi kelishuv yadro qurilmalarni qurishga ruxsat berish jarayonini soddalashtirish va tezlashtirishni nazarda tutadi. Agar bir mamlakatda yadro qurilmasi xavfsizlik talablaridan o‘tgan bo‘lsa, boshqa mamlakatlarda ham uning tasdiqlanishi osonlashadi.

Shuningdek, Angliyaning Hartlepul shahrida 12 ta yangi yadro qurilmasi qurilishi rejalashtirilmoqda. Ushbu loyiha taxminan 1,5 million xonadonni elektr energiyasi bilan ta’minlashi va minglab yangi ish o‘rinlarini yaratishi mumkin.

Biroq, ekologlar ushbu tashabbusga qarshi fikr bildirayotir. Ularning ta’kidlashicha, bunday loyihalar juda qimmatga tushadi va qurilish ishlari uzoq davom etadi.

Natijada, elektr energiyasi narxlari oshishi ehtimoli mavjud. Shu bois, loyiha atrofidagi muhokamalar davom etmoqda.