Nepalda yoshlar noroziligi hukumatni ag‘darildi

Nepalda yoshlar korrupsiyaga qarshi keng ko‘lamli norozilik namoyishlariga chiqib, 48 soat ichida hukumat iste’fosiga sabab bo‘ldi. Bu haqda Zamin.uz xabar berdi.

Namoyishlar davomida yetti o‘ndan ortiq kishi halok bo‘ldi, yuzlab odam jarohatlandi, shuningdek davlat va shaxsiy mulkka katta zarar yetkazildi. Dastlab namoyishlar tinch o‘tgan bo‘lsa-da, keyinchalik ular tartibsizlikka aylanib, parlament binosi, bosh vazir idorasi va yirik mehmonxonalar yondirildi.

Ijtimoiy tarmoqlarga qo‘yilgan taqiq va siyosatchilarning farzandlarining dabdabali hayoti yoshlar noroziligining asosiy sabablaridan biri bo‘ldi. Vaziyat nazoratdan chiqqach, hukumat armiyani jalb qilib, komendantlik soatini e’lon qildi.

Keyinchalik Oliy sudning sobiq raisi Sushila Karki vaqtinchalik bosh vazir etib tayinlandi. U mamlakatni saylovlargacha boshqarishi kutilmoqda.

Mutaxassislar bu voqealarni Nepal siyosatidagi eng keskin burilishlardan biri deb baholamoqda. Yoshlar endi jim qolmasligini va adolatsizlikka qarshi kurashishni davom ettirishini bildirgan bo‘lsa-da, katta moddiy zarar va kelajakdagi barqarorlik masalalarida xavotirlar saqlanmoqda.