Lula Tramp bojlarini siyosiy qaror deb atadi

Braziliya prezidenti Luis Inasio Lula Silva bergan intervyuda AQSh prezidenti Donald Tramp bilan hech qanday shaxsiy aloqasi yo‘qligini ma’lum qildi. Bu haqda Zamin.uz xabar berdi.

U Tramp tomonidan Braziliya mahsulotlariga qo‘yilgan 50 foizlik bojlar siyosiy maqsadlarda qabul qilingan qaror ekanligini ta’kidladi. Ushbu bojlar amerikalik iste’molchilar uchun mahsulotlarning narxini oshirishiga sabab bo‘lishini bildirdi.

Lula, shuningdek, Tramp bilan hech qachon bevosita muloqot qilmaganini aytdi. Bojlar haqidagi ma’lumotni esa matbuot orqali olganini qayd etdi.

U, Trampning bunday muhim qarorlarni diplomatik kanallar orqali emas, balki ijtimoiy tarmoqlar orqali e’lon qilishini tanqid qildi. Braziliya prezidenti sobiq prezident Jair Bolsonaro haqidagi fikrlarini ham bildirdi.

Bolsonaro mamlakatda to‘ntarish uyushtirishga uringan va sud tomonidan 27 yilga qamalganini eslatdi. Lula, Trampning Bolsonaruni himoya qilganini tanqid qildi.

Shuningdek, Lula BMTdagi islohotlarning zarurligini ta’kidladi. U BMTning besh doimiy a’zosi haddan tashqari kuchga ega ekanini aytdi.

Rossiya va Xitoy bilan hamkorlikni davom ettirishini bildirgan holda, Ukrainadagi urushni qo‘llamasligini aniq bildirdi.