AQSh va NATO Ukrainaga yangi harbiy yordam yubordi
Amerika Qo‘shma Shtatlari va NATO tashabbusi bilan tayyorlangan ustuvor ehtiyojlar ro‘yxati — PURL dasturi doirasida Ukrainaga harbiy yordam yetkazildi. Bu haqda Zamin.uz xabar berdi.
Bu haqda "RBK-Ukraina" nashri NATO vakiliga tayanib xabar berdi. Vakilning so‘zlariga ko‘ra, hozirga qadar mazkur dastur doirasida to‘rtta yordam paketi moliyalashtirilgan.
Birinchi yordam partiyasidagi ayrim jihozlar allaqachon Ukrainaga yetkazilgan, qolgan texnikalar esa hozirda yo‘lda ekanligi ta’kidlandi. Avvalroq Ukraina prezidenti Vladimir Zelenskiy PURL dasturining dastlabki yordam paketlarida Patriot havo mudofaa tizimi va HIMARS zalpli o‘t ochish tizimi uchun raketalar mavjudligini ma’lum qilgan edi.
Shu tariqa, Kiyevga yuborilgan yangi harbiy yordam nafaqat Ukraina armiyasining mudofaa imkoniyatlarini mustahkamlaydi, balki hozirgi murakkab sharoitda NATO va Amerika Qo‘shma Shtatlarining qo‘llab-quvvatlash siyosatini yana bir bor tasdiqlaydi. Bu yordam Ukrainaning mudofaa salohiyatini oshirish va mintaqaviy xavfsizlikni ta’minlashda muhim ahamiyatga ega hisoblanadi.
