Yapon olimlari chivinlarga qarshi yangi usul topdi
Yaponiyadan chiqqan 11 nafar tadqiqotchi biologiya sohasida Nobel mukofotiga sazovor bo‘ldi, deb xabar berdi "Kuodo" nashri. Bu haqda Zamin.uz xabar berdi.
Bostonda o‘tkazilgan tantanali marosimda aytilishicha, so‘nggi 19 yil davomida har yili kamida bitta yapon olimining nomzodi nufuzli mukofot bilan taqdirlanib kelinmoqda. 1991 yildan beri an’anaviy ravishda berilayotgan bu mukofotlarni “Annals of Improbable Research” ilmiy hazil jurnali taqdim etadi.
Uning asosiy maqsadi – avval odamlarni kuldirib, keyin esa o‘ylantiradigan tadqiqotlarni alohida e’tirof etishdir. Yapon olimlarining 2019 yilda e’lon qilingan tadqiqotiga ko‘ra, qoramollarning tanasiga zebra kabi oq-qora chiziqlar chizish orqali ularni chivin hujumidan himoya qilish mumkin.
Bu usul chorvachilikda katta iqtisodiy zararlarni kamaytirishga xizmat qiladi, shuningdek, mollarning sog‘lom o‘tlashi va jarohatlanishining oldini oladi. Ma’lumotlarga qaraganda, faqat AQShda chorvachilikda chivinlarga qarshi kurashish uchun yiliga taxminan 2,2 milliard dollar sarflanadi.
Yapon tadqiqotchilari tajribalar natijasida chiziqlar bilan bo‘yalgan sigirlar oddiy mollarga nisbatan 50 foizga kamroq chivinlardan aziyat chekishini aniqlashdi. Ushbu tadqiqot chorvachilik sohasida yangi himoya usullarini joriy etishga imkon beradi.
