Troyenda makkajo‘xori kombaynida halokat yuz berdi
Germaniyaning Saksoniya federal yerida joylashgan Troyen shahrida hosil yig‘im-terimi vaqtida jiddiy baxtsiz hodisa yuz berdi. Bu haqda Zamin.uz xabar berdi.
Politsiya ma’lumotlariga ko‘ra, 85 yoshli kishi makkajo‘xori maydalagich kombayniga tushib ketib, og‘ir jarohatlar sabab voqea joyida vafot etdi. Hodisa paytida texnikani 39 yoshli fermer boshqarayotgan edi.
U ertalabdan beri makkajo‘xori dalasini tozalash bilan shug‘ullanayotgan. Shu vaqt ichida keksak kishi g‘o‘la ichida ko‘zga tashlanmay qolgan va kombayn harakatini to‘xtatmagan holda uni o‘z ichiga tortib ketgan.
Hodisa sodir bo‘lgan zahotiyoq qutqaruv va tibbiyot xodimlari voqea joyiga yetib kelgan, ammo ularning barcha harakatlariga qaramay, keksaning hayotini saqlab qolishning imkoni bo‘lmagan. Mutaxassislar bunday voqealar qishloq xo‘jaligida xavfsizlik qoidalariga qat’iy rioya qilish zarurligini yana bir bor eslatmoqda.
Ayniqsa, katta yoshdagi fuqarolar hosil yig‘im-terimi vaqtida texnikadan uzoq turishi va ehtiyot choralarini ko‘rishi muhimdir. Ushbu voqea xavfsizlik qoidalarining ahamiyatini yana bir bor ko‘rsatdi.
