Kertin universiteti yangi qadimiy asteroid izlarini topdi

Avstraliyaning Kertin universiteti olimlari kutilmagan kashfiyotga erishdilar. Bu haqda Zamin.uz xabar berdi.

Ular ilgari ma’lum bo‘lmagan asteroid zarbasiga oid izlarni aniqlashdi, deb xabar beradi Earth and Planetary Science Letters jurnali. Tadqiqot davomida mutaxassislar tektitlarni o‘rganishdi.

Tektitlar – osmon jismlari Yer bilan to‘qnashganda hosil bo‘ladigan tabiiy oynadir. Muzeyda saqlanayotgan namunalar o‘ziga xos tarkibga ega bo‘lib, ularning yoshini taxminan 11 million yil deb baholashdi.

Qiyosiy tahlillar natijasida yangi topilgan tektitlar avvalgi o‘rganilgan namunalaridan deyarli 15 barobar qadimiyligi aniqlandi. Bu esa ularning umuman boshqacha va hali qayd etilmagan kosmik hodisa bilan bog‘liq bo‘lishi mumkinligini ko‘rsatadi.

Shunga qaramay, ehtimoliy to‘qnashuvning katta hajmiga qaramay, olimlar hozircha asteroid zarbasining kraterini aniqlay olishmadi. Ushbu kashfiyot kosmik jismlar ta’sirining Yer yuzasida qanday iz qoldirishi haqidagi tushunchalarni yanada boyitadi.

Bundan keyingi tadqiqotlar asteroid zarbasining aniq joyini aniqlashga qaratiladi.