Shimoliy Koreyada sevgi maktublari taqiqlanmoqda
Shimoliy Koreyada fuqarolar o‘rtasida sevgi izhor qilingan maktublarni yozish qat’iyan taqiqlanmoqda. Bu haqda Zamin.uz xabar berdi.
Rasmiylar bunday harakatlarni “kapitalistik buzilgan turmush tarzi” deb baholab, keskin tanqid qilmoqda. Metro nashrining xabariga ko‘ra, Hamhun shahridagi bir fabrikada o‘tkazilgan tekshiruvda sevgi maktubi topilgan.
Maktubda “Men seni yaxshi ko‘raman” va “Faqat sen haqingda o‘ylayman” kabi so‘zlar yozilganligi ma’lum qilindi. Ushbu holat mamlakat bo‘ylab keng muhokamalarga sabab bo‘ldi.
Maktub muallifi jamoat oldida “axloqan buzilgan” sifatida tanqid qilinib, o‘z xatosini tan olib, ochiqcha pushaymonlik bildirishga majbur qilindi. Guvohlarning aytishicha, fabrikadagi boshqa ishchilar ham ushbu jarayonni majburan kuzatishga majbur bo‘lgan.
Bu voqea Shimoliy Koreyada shaxsiy his-tuyg‘ularni ochiq ifoda etishning jiddiy cheklovlarga duch kelayotganini ko‘rsatadi. Rasmiy siyosat doirasida bunday maktublar “ijtimoiy tartib va axloq me’yorlariga zid” deb hisoblanmoqda.
Natijada, shaxsiy munosabatlarni ifoda etish usullari qat’iy nazorat ostida saqlanmoqda. Bu holat mamlakatda inson huquqlari va erkinliklari sohasida cheklovlarning mavjudligini yana bir bor tasdiqlaydi.
