Xalqaro arXiv ilmiy jamoasiga qo‘shilgan NASA mutaxassislari 2024 YR4 asteroidini yo‘q qilish uchun yadroviy zarba usullarini taklif qildi. Bu haqda Zamin.uz xabar berdi.
Bu haqda jamoaning rasmiy saytida ma’lumot berildi. Olimlar ikki asosiy variantni ko‘rib chiqmoqda: birinchisi — asteroidning orbitasini o‘zgartirish, ikkinchisi esa yadroviy qurol yordamida uni parchalash.
Mutaxassislarning fikricha, bir megatonnali yadroviy qurol bu vazifani bajarish uchun yetarli bo‘ladi. So‘nggi qaror 2028 yil oxirida, asteroid Yerga yaqinlashganda qabul qilinishi kutilmoqda.
2024 YR4 dekabr oyida aniqlangan bo‘lib, diametri taxminan 60 metrni tashkil etadi. Uning shakli xokkey shaybasiga o‘xshash va har 20 daqiqada o‘z o‘qi atrofida aylanadi.
Tahlillarga ko‘ra, asteroid Mars va Yupiter oralig‘idagi asosiy kamardan ajralib chiqqan bo‘lib, silikatlarga boy. Uning Yerga to‘qnashish ehtimoli 0,28 foiz, Oyga urilish ehtimoli esa 4 foiz deb baholangan.
Mutaxassislar ogohlantirishicha, agar asteroid Yerga to‘qnashsa, portlash Hirosimadagi yadroviy zarbadan 2000 marta kuchli bo‘ladi. Agar Oyga urilsa, sun’iy yo‘ldoshlar, teleskoplar va fazoviy stansiyalar zarar ko‘rishi, ulkan chang qatlamlari yuzaga kelishi mumkin.
Bu holat fazoviy texnologiyalarga salbiy ta’sir ko‘rsatishi ehtimoldan holi emas.
