Ukraina prezidenti Volodimir Zelenskiy Nyu-York shahrida o‘tkazilgan yopiq uchrashuvda AQSH prezidenti Donald Trampdan Moskvadagi muhim nishonlarga zarba berish imkonini beruvchi Tomahawk qanotli raketalarini taqdim etishni so‘radi. Bu haqda Zamin.uz xabar berdi.
Bu haqda Britaniyaning The Telegraph nashri xabar berdi. Zelenskiy Oq uy rahbariga ushbu yuqori texnologiyali qurol Rossiya prezidenti Vladimir Putinni tinchlik kelishuviga majburiy ravishda muzokaralar stoliga o‘tirishga undashda qo‘shimcha kuch bo‘lishi mumkinligini ta’kidlagan.
Manbalarning ma’lumot berishicha, bu so‘rov BMT Bosh Assambleyasi doirasida o‘tkazilgan ikki davlat rahbarlarining yopiq uchrashuvida muhokama qilingan va amerikaliklar tomonidan ijobiy baholangan. Uchrashuvdan keyin bergan intervyusida Zelenskiy prezident Trampning uning iltimosini yaxshi qabul qilganini bildirgan.
Uning so‘zlariga ko‘ra, Tomahawk raketalari zarur qurol hisoblanadi, lekin bu raketalar darhol ishlatilishini anglatmaydi. Ushbu qurollar mavjud bo‘lsa, Putinni muzokaralar stoliga o‘tirishga majburlash uchun kuchli bosim bo‘ladi.
Tomahawk raketalari 1250 dan 2500 kilometrgacha masofani bosib o‘ta oladi va dushmanning chuqur hududlarini aniqlik bilan zarbaga tuta oladi. NATO arsenalida strategik ahamiyatga ega bo‘lgan ushbu qurolni AQSH ilgari Ukrainaga berishdan doim bosh tortgan.
Zelenskiyning bu so‘rovi muvaffaqiyatli bo‘ladimi yoki yo‘qmi, hozircha aniq emasligi maqolada qayd etilgan.
