Nigeriyalik oshpaz ikkita Ginnes rekordini yangiladi

Nigeriyalik oshpaz Hilda Baki ikki marta Ginnes rekordini yangilagan. Bu haqda Zamin.uz xabar berdi.

U Lagos shahrida restoran boshqaradi, oshpazlik bo‘yicha darslar o‘tkazadi va shaxsiy oshpazlik xizmatlarini taklif qiladi. 2023-yilda u to‘xtovsiz 93 soat 11 daqiqa davom etgan oshpazlik marafoni bilan katta e’tibor qozongan.

Shu oyda esa bitta katta idishda 8,7 tonnadan ortiq Jollof guruchini pishirib Ginnes rekordini yangiladi. Hilda Baki muvaffaqiyatga tasodif tariqasida erishmagan.

U o‘z brendini rivojlantirishni maqsad qilgan va kelajakda butun dunyo bo‘ylab restoranlar tarmog‘ini ochishni rejalashtirmoqda. Uning asosiy maqsadi Nigeriya oshxonasini xalqaro miqyosda mashhur qilishdir.

Shuningdek, u o‘zining kokosli guruch retseptini dunyoga tanitmoqchi. Baki oshpazlik sohasida o‘zining noyob uslubi va ijodkorligi bilan ajralib turadi hamda milliy taomlarni keng ommaga yetkazishga harakat qilmoqda.

Uning ishlari Nigeriya madaniyatini yanada rivojlantirishga xizmat qiladi.