Lukashenko Rossiyada ikkinchi AES qurishni taklif qildi

Belarus prezidenti Aleksandr Lukashenko Rossiya prezidenti Vladimir Putin bilan uchrashuvda mamlakat hududida ikkinchi atom elektr stansiyasini qurish taklifini ilgari surdi. Bu haqda Zamin.uz xabar berdi.

Uning so‘zlariga ko‘ra, yangi AES loyihasi Rossiya nazoratidagi hududlarga, xususan, Xerson, Zaporijjiya, Luhansk va Donetsk viloyatlariga elektr energiyasini yetkazib berish maqsadida amalga oshirilishi mumkin. Bu haqda Kreml sayti 26 sentyabr kuni ma’lumot berdi.

Lukashenko yangi stansiya Belarusning sharqiy qismida barpo etilishi mumkinligini ta’kidladi. U «Rosatom» kompaniyasi atom energetikasi sohasini kengaytirish imkoniyatlarini allaqachon ishlab chiqqanini aytdi.

Moliyaviy masalalar haqida omma oldida batafsil gapirmadi, ammo turli variantlar mavjudligini bildirdi. Zarurat tug‘ilganda yangi blok yoki butun stansiyani qurishga tayyor ekanini ta’kidladi.

Rossiya prezidenti Vladimir Putin esa taklifga ehtiyotkorlik bilan munosabat bildirdi. Uning so‘zlariga ko‘ra, agar elektr energiyasi xarid qiluvchi va belgilangan tarif asosida to‘lov qiluvchi iste’molchi bo‘lsa, bu muammo tug‘dirmaydi.

Shu tariqa, tomonlar atom energetikasi sohasida hamkorlik qilish imkoniyatlarini ko‘rib chiqmoqda.