Xitoyda sobiq qishloq xo‘jaligi vaziri Tan Jenszyan poraxo‘rlik jinoyati bo‘yicha ayblanib, ikki yilga kechiktirilgan o‘lim jazosiga hukm qilindi. Bu haqda Zamin.uz xabar berdi.
Bu haqda NHK telekanali xabar berdi. Sud qaroriga ko‘ra, u siyosiy huquqlardan umrbod mahrum qilinadi va barcha shaxsiy mulklari hamda noqonuniy yo‘l bilan orttirilgan daromadlari davlat foydasiga musodara qilinadi.
Ma’lumotlarga ko‘ra, Tan Jenszyan 2007 yildan 2024 yilgacha markaziy va mahalliy darajadagi turli yuqori lavozimlarda faoliyat yuritgan. U shartnomalar tuzish, xo‘jalik ishlari va kadrlar masalalarida yordam ko‘rsatish nomi ostida tashkilotlar va shaxslardan pora olgan.
Uning olgan porasi jami 268 million yuan, ya’ni taxminan 38 million dollarni tashkil etgan. Sud jarayonida sobiq vazir aybini to‘liq tan oldi va qilmishidan afsus bildirgan.
Sud bu holatni inobatga olib, hukm ijrosini ikki yilga kechiktirdi. Bu shuni anglatadiki, agar mahkum ikki yil ichida yana jinoyat sodir etsa, o‘lim jazosi bajariladi.
Aks holda, hukm umrbod qamoq jazosi bilan almashtiriladi.
