So‘nggi bir sutka davomida Rossiya qo‘shinlari Zaporoje viloyatidagi 17 ta qishloqqa taxminan 700 marta zarba berdi. Bu haqda Zamin.uz xabar berdi.
Natijada 49 nafar oddiy fuqarolar turli darajadagi tan jarohatlari oldi. Bu haqda Zaporoje harbiy ma’muriyati rahbari Ivan Fyodorov o‘zining Telegram sahifasida ma’lum qildi.
Uning so‘zlariga ko‘ra, rus qo‘shinlari Jeleznodoroje, Novoselivka, Uspenivka va Mala Tokmachka posyolkalariga o‘n marta havodan hujum qilgan. Bundan tashqari, turli modellardagi 496 ta dron Novomykolaivka, Balabine, Kamyshevaka, Chervonoleskoye, Chervonodipov, Shcherbaki, Novodanilovka, Mala Tokmachka, Zelene va Charivne hududlariga yo‘naltirilgan.
Fyodorov ta’kidlashicha, uy-joylar, shaxsiy mulk va infratuzilma obyektlariga yetkazilgan zarar bo‘yicha jami 396 ta murojaat kelib tushgan. Ushbu hujumlar mahalliy aholi hayoti va infratuzilmasiga katta zarar yetkazmoqda.
Hududda tinchlik va xavfsizlikni ta’minlash uchun zarur choralar ko‘rilmoqda.
