Hamas garovdagilar bilan aloqani yo‘qotdi, havo hujumi to‘xtasin
HAMAS harakati Isroil tomonidan amalga oshirilgan havo zarbalari natijasida garovda saqlanayotgan ikki shaxs bilan aloqani yo‘qotganini ma’lum qildi. Bu haqda Zamin.uz xabar berdi.
Ular Isroildan kamida bir kun davomida havo hujumlarini to‘xtatishni so‘ramoqda. Xalqaro axborot agentliklari AFP va Reutersning xabarlariga ko‘ra, Falastin guruhining harbiy qanoti – Izzat-Din al-Qassam brigadasi 28 sentyabr kuni G‘azo shahrining Sabra va Tal al-Hava tumanlarida olib borilgan amaliyotlardan so‘ng 2023 yil 7 oktyabrda garovga olingan ikki isroillik, Matan Angrest va Omri Miran bilan aloqaning uzilganini bildirdi.
Reuters ma’lumotiga ko‘ra, HAMAS Isroildan garovdagi shaxslarni xavfli hududdan olib chiqish maqsadida mahalliy vaqt bilan soat 18:00dan boshlab 24 soat davomida havo hujumlarini to‘xtatishni talab qilmoqda. AFP esa HAMAS ilgari ham Isroil va Amerika Qo‘shma Shtatlarining fuqaroligiga ega garovdagilar bilan aloqa uzilgani, ammo bir necha kundan so‘ng ularning ozod qilinganini ma’lum qilganini eslatib o‘tdi.
