AQSH vitse-prezidenti Rossiya pozitsiyasini tanqid qildi
AQSH vitse-prezidenti Jey Di Vens Fox News telekanaliga bergan intervyusida Rossiyaning so‘nggi pozitsiyasi haqida o‘z fikrlarini bildirdi. Bu haqda Zamin.uz xabar berdi.
Uning ta’kidlashicha, oxirgi haftalarda rossiyaliklar ukrainaliklar bilan ikki tomonlama, shuningdek, prezident Donald Tramp yoki boshqa amerikalik rasmiylar ishtirokidagi uch tomonlama muzokaralarga qatnashishni rad etmoqda. Vensning so‘zlariga ko‘ra, Rossiya ko‘plab insonlarni yo‘qotmoqda va katta talofatlarga uchramoqda, ammo bunday qurbonliklarni oqlovchi hech qanday asos mavjud emas.
U shunday dedi: “Yuzlab insonlar hayotdan ko‘z yummoqda, ammo natija deyarli ko‘rinmayapti. Rossiya yana qancha askarlarini yo‘qotishga tayyor?
Juda kichik yutuqlar uchun qancha qon to‘kilishi mumkin?” Vitse-prezidentning ta’kidlashicha, AQSH pozitsiyasi o‘zgarmagan. Vashington tinchlik yo‘lida harakatni davom ettiradi va rossiyaliklar haqiqiy vaziyatni qabul qiladi, degan umidda.
Bu jarayon mintaqada barqarorlik va tinchlik o‘rnatilishiga xizmat qiladi.
