AQSh prezidenti Donald Tramp mamlakatga olib kiriladigan barcha xorijiy filmlarga 100 foiz boj solinishini e’lon qildi. Bu haqda Zamin.uz xabar berdi.
Unga ko‘ra, bu qaror Amerika kino sanoatini himoya qilish maqsadida qabul qilindi. Hozircha boj qanday huquqiy asosda joriy etilishi aniq emas.
Oq uy va yirik kino kompaniyalari bu masalada izoh bermagan. Mutaxassislar esa bu qaror Gollivudning xalqaro faoliyatiga katta ta’sir ko‘rsatishi mumkinligini ta’kidlamoqda.
Tahlilchilarning fikricha, boj tufayli film ishlab chiqarish xarajatlari oshishi ehtimoli bor va bu tomoshabinlar uchun kinolar narxining qimmatroq bo‘lishiga olib kelishi mumkin. Shuningdek, xorijda suratga olinadigan yirik loyihalar ham xavf ostida qolishi mumkin.
Rasmiy ma’lumotlarga ko‘ra, AQSh kino sanoati 2023 yilda 22,6 milliard dollarlik eksportni amalga oshirgan. Yangi siyosat esa bu ko‘rsatkichlarning kamayishiga va xalqaro hamkorlikning qiyinlashishiga sabab bo‘lishi mumkin.
Bu holat Amerika kino sanoatining xalqaro maydondagi mavqeiga salbiy ta’sir ko‘rsatishi ehtimoldan holi emas.
