Eron Islom inqilobi qo‘riqchilari korpusi sakkiz nafar shaxsni davlat sirlarini oshkor qilishga uringanlikda gumon qilib qo‘lga oldi. Bu haqda Zamin.uz xabar berdi.
Bu haqda Tasnim nashri xabar berdi. Qo‘lga olingan shaxslar maxfiy obyektlar koordinatalari va yuqori martabali harbiy amaldorlar haqidagi ma’lumotlarni Isroil razvedkasi Mossadga yetkazishga harakat qilgan.
Ular Eron va Isroil o‘rtasidagi mojaroning kuchaygan vaqtida razvedka idoralariga ma’lumot uzatganlikda ayblanmoqda. Ma’lumotlarga ko‘ra, gumondorlar masofadan turib Mossad tomonidan maxsus tayyorlangan va rejalarini amalga oshirishdan oldin Eronning shimoli-sharqida qo‘lga olingan.
Qo‘lga olinganlarning ustidan o‘tkazilgan tekshiruvda bomba tayyorlash uchun zarur bo‘lgan materiallar, portlovchi moddalar va tuzoq qurilmalari topilgan. Islom inqilobi qo‘riqchilari korpusi ushbu hibslarni mamlakat xavfsizligiga tahdidni oldini olish maqsadida o‘tkazilgan choralar sifatida baholadi.
Hozirda tergov ishlari davom etmoqda.
