Buyuk Britaniyada noto‘g‘ri ozod qilingan mahbuslar ko‘paydi
Buyuk Britaniyada 2024 yil martidan 2025 yil martigacha bo‘lgan davrda 262 nafar mahbus noto‘g‘ri ravishda qamoqxonalardan ozod qilingan. Bu haqda Zamin.uz xabar berdi.
Bu haqda The Sun nashri mamlakat qamoqxona xizmatining rasmiy ma’lumotlariga tayangan holda xabar berdi. Ma’lumotlarga ko‘ra, bu ko‘rsatkich o‘tgan yilga nisbatan sezilarli darajada oshgan.
2023 yilda xatolik bilan ozod qilingan mahbuslar soni 115 nafarni tashkil etgan bo‘lsa, 2024-2025 yillarda bu raqam 128 foizga ko‘paygan. Nashrning ta’kidlashicha, noto‘g‘ri ozod qilish holatlari Kir Starmer boshchiligidagi hukumat tomonidan joriy etilgan mahbuslar sonini kamaytirish dasturi bilan bog‘liq bo‘lishi mumkin.
Ushbu dasturga asosan, mahkumlar jazo muddatining kamida 40 foizini o‘tagan taqdirda muddatidan avval ozod qilinishi mumkin edi. Biroq, dasturda nazarda tutilmagan jinoyatlar uchun qamalgan ba’zi mahkumlar ham ozod etilganligi aniqlangan.
Bu holat jamoatchilik orasida katta norozilik va xavotirga sabab bo‘lmoqda. Shu sababli, Buyuk Britaniya Adliya vazirligi ushbu xatolarni o‘rganish va ularni bartaraf etish maqsadida maxsus tekshiruv guruhi tashkil etilganini ma’lum qildi.
Vazirlik bu jarayonni diqqat bilan olib borib, kelgusida bunday holatlarning oldini olishga harakat qilmoqda.
