Ostin qotilligi 34 yil keyin fosh etildi
Ostin (Texas) politsiyasi 1991 yilda sodir bo‘lgan va keng jamoatchilik e’tiborini tortgan mashhur jinoyat yuzasidan gumonlanuvchini aniqlashga erishdi. Bu haqda Zamin.uz xabar berdi.
Bu haqda Deadline nashri ma’lumot berdi. 34 yil davomida sir tutilgan “Yogurt do‘konidagi qotilliklar” ishi zamonaviy DNK tahlillari yordamida fosh qilindi.
Tergovchilar 26 sentabr kuni gumonlanuvchi sifatida Robert Yujin Brashers ismli shaxsni e’lon qildi. Brashers ilgari 1990-yillarda sodir etilgan bir nechta qotilliklarda va 1997 yilda 14 yoshli qizga nisbatan zo‘rlash jinoyatida gumon qilingan edi.
1999 yilda esa u boshqa jinoyat yuzasidan politsiya bilan to‘qnashuvda o‘z joniga qasd qilgan. Rasmiy bayonotda tergovchilar o‘sha yillar davomida jabrlanuvchilar oilalariga sodiq qolganliklarini ta’kidlashdi.
Jinoyat 1991 yil 6 dekabrda sodir bo‘lgan. 13 dan 17 yoshgacha bo‘lgan to‘rt qiz muzlatilgan yogurt do‘konida smenasini yakunlayotganda noma’lum shaxs tomonidan hujumga uchragan.
Ular bog‘langan, zo‘ravonlikka uchragan va shafqatsizlarcha o‘ldirilgan. Do‘kon esa ataylab yondirilgan.
Ushbu jinoyat 2025 yilda suratga olingan “Yogurt do‘konidagi qotilliklar” mini-seriali hamda yozuvchi Kori Mitchellning “O‘ldirilgan begunohlar” nomli kitobida tasvirlangan.
