Anjey Bargiyel Everestga kislorodsiz ko‘tarildi va tushdi
Polshalik mashhur alpinist Anjey Bargiyel tarixda ilk bor Everest cho‘qqisiga hech qanday qo‘shimcha kislorodsiz ko‘tarilib, chang‘ida pastga tushishga muvaffaq bo‘ldi. Bu haqda Zamin.uz xabar berdi.
Bu haqda The Guardian nashri ma’lumot berdi. Bargiyel cho‘qqiga chiqish juda qiyin bo‘lganini ta’kidladi va ilgari bunday balandlikda uzoq vaqt qolmaganini aytdi.
Uning so‘zlariga ko‘ra, qo‘shimcha kislorodsiz Everestdan chang‘ida tushish orzusi yillar davomida pishib yetilgan edi. Alpinist 8000 metr balandlikdan yuqorida joylashgan “o‘lim zonasi”ni bosib o‘tish uchun taxminan 16 soat vaqt sarflagan.
Bu hududda havo siyrakligi sababli odamlar dengiz sathidagiga nisbatan atigi uchdan bir qismini kislorod oladi. Natijada miya zararlanishi, o‘pka shishishi yoki hatto o‘lim holatlari yuzaga kelishi mumkin.
Bargiyel avval 2019 va 2022 yillarda Everestni zabt etishga urinib, lekin muvaffaqiyatga erisha olmagan. Shuningdek, u 2018 yilda dunyodagi ikkinchi eng baland tog‘ – Pokistondagi K2 cho‘qqisidan chang‘ida tushgan birinchi odam sifatida tarixga kirgan.
Himolay ma’lumotlar bazasiga ko‘ra, hozirgacha 6000 dan ortiq odam dunyoning eng baland cho‘qqisiga chiqqan. Shulardan atigi 200 ga yaqin kishi qo‘shimcha kislorodsiz yuksalishga muvaffaq bo‘lgan.
Ba’zilari chang‘ida uchishga harakat qilgan, ammo kislorodsiz to‘liq tushish ilgari hech kimga nasib etmagan edi. Anjey Bargiyel esa ushbu tarixiy marrani bosib o‘tdi.
