Qirg‘iziston prezidenti Sadir Japarov og‘ir jinoyatlar uchun o‘lim jazosini qayta joriy etish tashabbusini ilgari surdi. Bu haqda Zamin.uz xabar berdi.
Bu haqda uning matbuot kotibi Askat Alagozov ma’lum qildi. Prezident Administratsiyasiga bolalar, qizlar va ayollarga qarshi sodir etiladigan jinoyatlar uchun eng qattiq jazolarni belgilovchi qonun loyihasini tayyorlash topshirig‘i berilgan.
Japarovning bu tashabbusiga 17 yoshli Aysulu Mukasheva bilan bog‘liq fojiali voqea sabab bo‘ldi. Aysulu 27 sentyabr kuni yo‘qolib, keyin uning jasadi Kemin tumanida topildi.
Tergov natijalariga ko‘ra, 41 yoshli erkak uni o‘g‘irlab, zo‘rlab, so‘ngra o‘ldirganini tan olgan. Ushbu voqea jamiyatda katta shov-shuvga sabab bo‘lib, jinoyatchilarga nisbatan jazoni kuchaytirish masalasi bo‘yicha munozaralarni kuchaytirdi.
Hozirda qonun loyihasi ustida ishlar davom etmoqda. Maqsad jinoyatchilikka qarshi kurashni kuchaytirish va jamiyatni himoya qilishdir.
Shu bilan birga, qonun loyihasining mazmuni va uning amaliyotga tatbiq etilishi keng jamoatchilik va mutaxassislar ishtirokida muhokama qilinadi. Qirg‘izistonda o‘lim jazosi masalasi dolzarb bo‘lib, uning qayta tiklanishi ijtimoiy hayotda muhim o‘zgarishlarga olib kelishi mumkin.
