Rossiya armiyasi otliq otryadlarni qayta tiklamoqda

Rossiya armiyasi zamonaviy jang sharoitida otliq otryadlarni qayta tiklash ustida ish olib bormoqda. Bu haqda Zamin.uz xabar berdi.

Kommersant nashrining xabariga ko‘ra, ilgari ham ba’zi holatlarda otlardan foydalanilgan, biroq bu kam uchragan. Hozir esa Rossiya qo‘shinlari to‘liq hajmda otliq qo‘shinlarni qayta tashkil etish g‘oyasini sinab ko‘rmoqda.

Ma’lumotlarga ko‘ra, Shtorm maxsus otryadlari jangchilari ot minishni o‘rganmoqda. Komandirning so‘zlariga ko‘ra, otlar o‘zining tabiiy instinktlari sababli mayinni topish ehtimoli odamga qaraganda ancha kam.

Shuningdek, qorong‘u sharoitda otlar yo‘lni yaxshiroq his qila oladi. Taktikaga ko‘ra, bitta otda ikki kishi bo‘ladi: biri otni boshqaradi, ikkinchisi esa qurol bilan hujumga tayyor turadi.

To‘g‘ridan-to‘g‘ri jang boshlanganda ular otdan tushib, piyoda kurashadi. Otlar yo‘lsiz hududlarda tez va maxfiy harakat qilish imkoniyatiga ega.

Bundan tashqari, otlar temirdan yasalmaganligi sababli magnit minalarini ishga tushirish xavfi past. Ammo bunday uslubning murakkab tomonlari ham mavjud.

Otlarni o‘rgatish, boqish va saqlash qiyin bo‘lib, ularning yuk ko‘tarish qobiliyati texnik vositalarga nisbatan juda past. Shu sababli otlarni keng ko‘lamda jang maydonida qo‘llash imkoniyati shubhali, deya xulosa qilinmoqda.

Tahlilchilar fikricha, otlarni jangga qaytarishga urinish ko‘proq ramziy ma’noga ega. Zamonaviy texnologiyalar ba’zan zaiflik ko‘rsatganda, armiyalar an’anaviy vositalarga murojaat qilmoqda.

Masalan, telefon kabellari yoki yuk tashuvchi hayvonlardan foydalanish holatlari uchramoqda. Oldinroq rossiyalik harbiylar front chizig‘ida elektr samokatlar va yo‘lsiz hududlarda harakatlana oladigan kichik texnik vositalardan ham foydalanganlari haqida ma’lumot berilgan edi.

Bu esa piyodalarga qarshi minalar xavfini qisman kamaytirishga yordam bergan.