Deutsche Bank va parlamentda ikki ishda ishlagani aniqlandi
Farrosh Mulikat Ogunmode 16 yil davomida kunduzi Deutsche Bankda, kechasi esa Britaniya parlamentida yashirincha ishlagani ma’lum bo‘ldi. Bu haqda Zamin.uz xabar berdi.
Ushbu holat aniqlangach, u parlamentdan haydaldi. Daily Mail nashri bu haqda ma’lumot berdi.
2008 yildan 2024 yilgacha Ogunmode smenalar orasidagi minimal 11 soatlik dam olish vaqtini buzgan. U ish kunlarida ikki joyda smenalarni birlashtirib ishlagan.
Parlamentda bu holat oshkor etilgach, u ish vaqtini cheklovchi qonunlarni buzgani uchun ishdan bo‘shatildi. Ogunmode o‘zini yaxshi his qilayotganini va dam olish kunlarini to‘g‘ri o‘tkazayotganini aytgan, ammo uning shartnomasi bekor qilindi.
U ish beruvchini adolatsiz ishdan bo‘shatishda va ish haqini noqonuniy ushlab qolishda ayblab sudga murojaat qildi. Biroq sudya uning barcha da’volarini rad etdi va ishdan bo‘shatish qarorini asosli deb topdi.
Sudya uning harakatlari qonunga zid ekanini, sog‘ligi, xavfsizligi va jamiyat manfaatlariga xavf solishi mumkinligini ta’kidladi. Shuningdek, u ikkinchi ish joyi haqida to‘g‘ri ma’lumot bermaganligi sababli ham ayblandi.
Ushbu voqea ish vaqtini tartibga soluvchi qonunlarga rioya qilish muhimligini yana bir bor ko‘rsatdi.
