Rossiya prezidenti Vladimir Putin «Valday» xalqaro munozara klubi yig‘ilishida mamlakatining qudratini yana bir bor ko‘rsatdi. Bu haqda Zamin.uz xabar berdi.
Uning so‘zlariga ko‘ra, agar kimdir Rossiya bilan harbiy yoki siyosiy sohada tortishmoqchi bo‘lsa, Rossiya har doim o‘z pozitsiyasini qat’iyat bilan himoya qiladi. Putin milliy xavfsizlik, tinchlik, fuqarolarning osoyishtaligi va suverenitetga tahdid yuzaga kelsa, Rossiya darhol munosabat bildirishini ta’kidladi.
U provokatsiyalarni oldini olish zarurligini, chunki bu harakatlar avvalo provokatorlarga zarar keltirishini qayd etdi. Tarixdan kelib chiqqan holda, zaiflikka yo‘l qo‘yish mumkin emasligi aytildi, chunki zaiflik noto‘g‘ri qarorlar qabul qilinishiga sabab bo‘ladi.
Rossiya doimo o‘z suvereniteti va davlat mustaqilligini himoya qilishda qat’iy pozitsiyada bo‘lgan. Shuningdek, Putin Yevropa mamlakatlarining harbiylashtirish siyosatiga qarshi javob qaytarishni zarur deb bildirdi.
U harbiy qarama-qarshilikni boshlovchi emasligini, bunday qadamlar ma’nosiz va samarasiz ekanligini ta’kidladi. Ushbu bayonotlar Rossiyaning jahon siyosatidagi mavqeini mustahkamlab, kelajakdagi tahdidlarga qarshi turishdagi qat’iyatini namoyish etdi.
