Fransiyada byudjet qisqarishiga qarshi noroziliklar kuchaymoqda
Fransiyada mamlakat bo‘ylab byudjetni qisqartirish va hukumatning yangi iqtisodiy siyosatiga qarshi ommaviy noroziliklar kuchaymoqda. Bu haqda Zamin.uz xabar berdi.
Kasaba uyushmalari ma’lumotlariga ko‘ra, norozilik namoyishlarida 250 mingdan ortiq odam ishtirok etishi kutilmoqda. Jamoat tartibini ta’minlash maqsadida 76 ming politsiya xodimi safarbar qilingan.
Noroziliklar asosan Parij, Marsel, Nant, Bordo va Ajachada boshlangan, keyinchalik Lion, Brest, Renn va boshqa shaharlarga ham yoyilmoqda. Eng yirik namoyish Parijda o‘tkaziladi, unda 20 mingdan 40 minggacha odam qatnashishi rejalashtirilgan.
Noroziliklar jamoat transportiga salbiy ta’sir ko‘rsatmoqda. Parijda bir nechta metro bekatlari yopilgan, tramvay va poyezd qatnovida uzilishlar yuzaga kelgan.
Shuningdek, avtobuslar harakati ham cheklangan. Fransiyadagi yirik sanoat korxonalari, jumladan Stellantis va Michelin zavodlari ham norozilikchilar tomonidan to‘sib qo‘yilgan.
Ta’lim sohasida ham o‘zgarishlar kuzatilmoqda, ayrim maktablar vaqtincha yopilgan, o‘qituvchilarning 27 foizi norozilikka qo‘shilgan. Noroziliklarning kengayishi mamlakatdagi ijtimoiy va iqtisodiy vaziyatga salbiy ta’sir ko‘rsatishi mumkin.
Bu holat olib borilayotgan islohotlarning muvaffaqiyatiga jiddiy tahdid solmoqda va hukumat uchun katta e’tibor talab etadi. Noroziliklar davom etishi iqtisodiyot va jamiyatda noaniqliklarni kuchaytirishi mumkin.
Shuning uchun vaziyatni tezda barqarorlashtirish muhim hisoblanadi.
