Rossiya aholisining katta qismi mamlakat rahbari Vladimir Putinga ishonch bildirayotgani ma’lum bo‘ldi. Bu haqda Zamin.uz xabar berdi.
So‘nggi so‘rov natijalariga ko‘ra, har o‘n rossiyalikning sakkiz nafari, ya’ni 79,1 foizi prezidentga ishonadi. Shuningdek, ishtirokchilarning 75,4 foizi Putinning olib borayotgan siyosati va faoliyatini qo‘llab-quvvatlaydi.
Faqatgina 16 foiz respondent uni ishonchli deb hisoblamaydi, 14,6 foizi esa uning ishini salbiy baholagan. So‘rovda Rossiya hukumatiga nisbatan ham munosabat o‘rganilgan.
Javob berganlarning 47,9 foizi hukumat faoliyatini ma’qulladi, 20 foizi esa tanqidiy fikr bildirdi. Bosh vazir Mixail Mishustinga ishonch darajasi ham yuqori bo‘lib, aholining 60,1 foizi uni qo‘llab-quvvatlaydi, 19,7 foizi esa aksincha fikr bildirgan.
Ushbu ma’lumotlar RIA Novosti agentligi tomonidan e’lon qilingan.
