Yangi ona Mortal Kombat XL turnirida g‘alaba qozondi
Floridada yashovchi yosh ayol yaqinda tug‘ilgan qizini qo‘lida ushlab, Mortal Kombat XL kibersport musobaqasida g‘alaba qozondi. Bu haqda Zamin.uz xabar berdi.
Bu voqea internetda keng tarqalib, ko‘plab e’tibor qozondi. UPI axborot agentligi bu haqida ma’lumot berdi.
Geymer Legi0n taxallusi bilan tanilgan bo‘lib, sentyabr oyining oxirida Orlando shahrida o‘tgan turnirda ishtirok etdi. U musobaqada raqiblarini, jumladan o‘z turmush o‘rtog‘ini ham mag‘lub etdi.
Eng ajablanarlisi shuki, u keser operatsiya orqali tug‘ruqdan atigi besh kun o‘tib o‘yinga qatnashdi. Yangi tug‘ilgan qizchaga Sereza deb ism qo‘yilgan bo‘lib, u 22 sentyabr kuni dunyoga kelgan.
Ijtimoiy tarmoqlarda Legi0n g‘alabasini hazil bilan izohlab, qizchasining unga ilhom va kuch berganini ta’kidladi. G‘alaba unga 28 dollarlik mukofot va Atlanta shahrida bo‘lib o‘tadigan DreamHack o‘yin festivalida ishtirok etish imkoniyatini berdi.
Bu voqea yosh onalar uchun katta ilhom manbai bo‘ldi.
