G‘azoda havo hujumlari natijasida ko‘plab halok bo‘ldi
Birlashgan Millatlar Tashkiloti (BMT) xabariga ko‘ra, Isroilning davom etayotgan havo va yer hujumlari natijasida G‘azo hududidagi vaziyat tobora og‘irlashmoqda. Bu haqda Zamin.uz xabar berdi.
Aholi yashaydigan hududlarda katta vayronagarchilik yuz berib, ko‘plab odamlar halok bo‘lmoqda. BMT Bosh kotibining matbuot kotibi Stefan Dyujarrik o‘tkazilgan matbuot anjumanida bu masalaga alohida e’tibor qaratdi.
Uning so‘zlariga ko‘ra, G‘azoda gumanitar yordam ko‘rsatuvchi xodimlarning xavfsizligi jiddiy tahdid ostida qolmoqda. Isroilning doimiy va kuchli bombardimonlari tinch aholi o‘limiga va uy-joylarning vayron bo‘lishiga sabab bo‘lmoqda.
Shuningdek, gumanitar xodimlarning hayoti xavf ostida ekanligi qayd etildi. Ma’lumotlarga ko‘ra, 3 oktyabr kuni Isroilning havo hujumi natijasida kasalxona yaqinidagi avtobus bekatida turgan bir gumanitar xodim halok bo‘lgan, yana to‘rt nafari og‘ir jarohat olgan.
8 oktyabrdan boshlab G‘azoda kamida 562 nafar yordam xodimi halok bo‘lib, ularning 376 nafari BMT xodimlari hisoblanadi. Bu raqamlar BMTning insonparvarlik missiyasiga qanchalik katta xavf solayotganini yaqqol ko‘rsatadi.
Gumanitar xodimlar va tinch aholi hayotini himoya qilish uchun xalqaro hamjamiyatning tezkor choralar ko‘rishi zarur.
