Oktyabrda Oy va sayyoralar yaqinlashadi, kuzatish mumkin

Joriy yilning 7-oktyabr kuni Oy Yerga eng yaqin nuqtaga yaqinlashadi va uning masofasi 360 ming kilometrdan kam bo‘ladi. Bu haqda Zamin.uz xabar berdi.

Bu hodisa astronomiyada “superoy” deb ataladi. Superoy paytida Oy Yerga odatdagidan taxminan 14 foizga yaqinroq bo‘ladi va uning yorqinligi 30 foizga oshadi.

8-oktyabrga kelib Oy bilan Yer orasidagi masofa 360 ming kilometrga yetadi, 23-oktyabrda esa bu masofa 406 ming 445 kilometrga ko‘tariladi. O‘rtacha masofa esa 384 ming 400 kilometrni tashkil etadi.

Oktyabr oyida odamlar Oyning yirik sayyoralarga yaqinlashishini kuzatish imkoniga ega bo‘ladi. Xususan, 13-oktyabrda Yer Yupiter yaqinidan o‘tadi.

19-oktyabr tongida esa Oy eng yorqin sayyora Venera g‘arb tomonida ko‘rinib, o‘ziga xos quyosh chiqishi effektlarini hosil qiladi. Olimlarning fikricha, oktyabr oyida Saturnni kuzatish uchun ham qulay sharoitlar mavjud.

Saturn janubiy osmonda yarim tunda, ufqdan 30 daraja balandlikda joylashadi. 20 barobardan yuqori kattalashtirishga ega teleskoplar yordamida Saturn halqalari ko‘rinadi.

100 millimetr va undan kattaroq teleskoplari mavjud astronomlar esa Saturnning eng katta yo‘ldoshi Titanini ham kuzatish imkoniga ega bo‘ladi. Kuchliroq, ya’ni 250 millimetr va undan kattaroq teleskoplar orqali esa Dione, Tethys, Rea, Enceladus va Iapetus kabi boshqa yo‘ldoshlarni ham ko‘rish mumkin.

Bundan tashqari, oktyabr oyida qorong‘i osmonda ikkita kometa ko‘rinishi mumkin: C/2025 A6 Lemmon (shimoli-g‘arbda) va C/2025 R2 Swan (janubi-g‘arbda). Shuningdek, 21-oktyabrda Orionid meteorit yomg‘iri o‘zining eng yuqori cho‘qqisiga yetadi va ochiq havoda soatiga beshtagacha meteor kuzatilishi kutilmoqda.

Bu astronomiya ixlosmandlari uchun qiziqarli va noyob hodisadir.