Sidneydagi otishmada 16 kishi jarohatlandi

Kecha, 5 oktyabr kuni Avstraliyaning Sidney shahrida yarim tun davomida shovqin, xavotir va qo‘rquv hukm surdi. Bu haqda Zamin.uz xabar berdi.

Bir erkak o‘z uyining oynasidan ko‘chadagi odamlar tomon o‘q uzdi. Bu haqda "The Guardian" nashri xabar berdi.

Hodisa natijasida 16 kishi turli darajadagi tan jarohatlari oldi. Ma’lumotlarga ko‘ra, otishma kechqurun, odamlar dam olayotgan paytda boshlandi.

Guvohlarning so‘zlariga ko‘ra, erkak kamida 50 marta o‘q uzgan, ayrim manbalarga ko‘ra esa bu son 100 taga yetishi mumkin. Otishma boshlangach, politsiya voqea joyini yopdi.

Aytilishicha, gumondor o‘z quroli bilan haydovchilarga, binolarga va hatto politsiya mashinalariga qarata o‘q uzgan. Politsiyaga chaqiruv vaqtida vaziyat juda tarang bo‘ldi.

Gumondor taslim bo‘lishdan bosh tortdi, huquqni muhofaza qiluvchi organlar esa uni qurolsizlantirish uchun maxsus operatsiya o‘tkazdi. Natijada, yon atrofdagi bir necha bino, xususan kafe va do‘konlarga zarar yetdi.

Kafe egasining aytishicha, avvalida u ikki marta o‘q ovozini eshitgan, lekin nima sodir bo‘layotganini tushunmay, mijozlar ichishni davom ettirgan. Bir necha soniyadan so‘ng uzluksiz o‘q ovozi eshitila boshlagan va havoda o‘q-dorilar hidlari tarqalgan.

Politsiya jamoatchilikka “Uylaringizdan chiqmang, ichkarida qoling” deb ogohlantirish berdi. Voqea natijasida olti kishi shifoxonaga yotqizildi, ularning biri og‘ir ahvolda.

Ikki erkak oynaning shikastlanishi sababli shikast olib, ularga voqea joyida yordam ko‘rsatildi. Umumiy holda 16 kishi yengil tan jarohatlari bilan tibbiy yordam oldi.

Yangi Janubiy Uels politsiyasi ma’lumotlariga ko‘ra, gumondor qo‘lga olindi va uning quroli musodara qilindi. Gumondor qo‘lga olinayotganda tan jarohati oldi va hozir shifoxonada davolanmoqda.

Hodisa joyida politsiya tergov ishlarini davom ettirmoqda, ko‘chalar yopilgan va transport harakati vaqtincha cheklangan.